عمران خان کے جھوٹ
عمران خان کہتا ہے مجھے پرویز مشرف نے 2002ء میں وزیراعظم بننے کی پیشکش کی تھی جو میں نے قبول نہیں کی۔ پرویز مشرف نے ایک انٹرویو میں بتایا کہ میں نے عمران خان کو ایسی کوئی پیشکش نہیں کی تھی۔ البتہ وہ مجھ سے 100 سیٹیں مانگ رہے گے۔ [1] یہی بات پرویز مشرف نے مبشر لقمان کو انٹرویو دیتے ہوئے بھی کہی تھی۔ [2]
عمران خان نے الزام لگایا کہ نجم سیٹھی کے ذریعے انتخابات میں 35 پنکچر لگا کر دھاندلی کی گئی۔ بعد میں اپنی بات سے مکر گئے اور کہا کہ وہ تو محض ایک سیاسی بیان تھا۔ [3]
عمران خان نے کہا کہ سائفر دراصل جنرل باجوہ کے نام میری حکومت گرانے کا پیغام تھا جس کے بعد میری حکومت گرائی گئی۔ سچ یہ ہے کہ تحریک عدم اعتماد اس سے پہلے کی چل رہی تھی۔
عمران خان نے شیریں مزاری اور اسد عمر سے ایک پرایس کانفرنس کروائی جس میں دعوی کیا کہ سائفر ہم سے کئی دن تک چھپایا گیا تھا۔ جب کہ شاہ محمود قریشی کہتے ہیں کہ جس دن سائفر ملا اسی دن عمران خان کی خدمت میں پیش کر دیا گیا۔
عمران خان کی ایک آڈیو بھی لیک ہوئی۔ جس میں وہ اپنے پرنسپل سیکٹری اعظم خان سے کہہ رہے ہوتے ہیں کہ 'اب ہم نے سائفر کے ساتھ کھیلنا ہے۔' یعنی جھوٹ بول کر عوام کو گمراہ کرینگے۔ اس کا اعتراف بعد میں اعظم خان نے اپنے اعترافی بیان میں بھی کیا۔
عمران خان ایک طرف کہتے ہیں کہ جنرل باجوہ نے مجھے احتساب کرنے سے روکا۔ لیکن جب اس سے پوچھا جاتا ہے کہ آپ کے دور میں اپوزیشن کے خلاف احتساب کے نام پر جو کاروائیاں ہوئیں وہ کیا تھیں۔ تو فوراً کہتے ہیں کہ میں نے اپوزیشن پارٹیوں کے خلاف ایک بھی کیس نہیں بنایا۔ یہ تو نیب نے کیے ہیں اور نیب پر فوج کا کنٹرول تھا۔ یعنی جھوٹ بولتے ہیں۔
ایک انٹرویو میں عمران خان کہتے ہیں میں نے باجوہ کے کہنے پر اپنی حکومتیں گرائیں۔ [4] اس پر سلیم صافی نے لکھا کہ باجوہ سے ملاقات کے پانچ ماہ بعد اسمبلیاں توڑ دیں جب کہ وہ ریٹائرڈ بھی ہوچکے تھے؟ [5]
پی ڈی ایم حکومت نے فیصلہ کیا کہ سوموٹو کا اختیار ایک کے بجائے سپریم کورٹ کے تین ججوں کو دیا جائے۔ اس پر عمران خان نے ٹویٹ کی کہ سپریم کورٹ کا اختیار کم کیا جارہا ہے۔ یہ ٹویٹ جھوٹ اور منافقت پر مبنی تھی کیونکہ سپریم کورٹ کے اختیار میں کوئی کمی نہیں کی جارہی تھی۔
گرفتاری پر سر پر ڈنڈا پڑنے کا دعوی کیا۔ لیکن کہیں زخم کا نشان وغیر نہیں ملا۔
عمران خان نے 20 مئی کو دعوی کیا کہ ہمارے 25 لوگ شہید اور 700 زخمی ہوئے ہیں۔ پھر کچھ دن بعد کہا کہ ہمارے 16 لوگ شہید اور 100 زخمی ہوئے ہیں۔ [6]
عمران خان اور پی ٹی آئی نے الزام لگایا کہ 9 مئی حملوں میں گرفتار خواتین کو جیلوں میں جنسی تشدد کا نشانہ بنایا جارہا ہے۔ فوزیہ وقار نے کوٹ لکھپت جیل کا دورہ کیا۔ جس میں ان کو گرفتار خواتین نے بتایا کہ پولیس کا رویہ بہت اچھا ہے اور ان الزامات میں کوئی صداقت نہیں۔ [7]
عمران خان نے برطانوی اخبار ٹیلی گراف کی خبر کہ بشری بی بی کی کرپشن کی نشاندہی پر عاصم منیر کو ISI کے عہدے سے ہٹوانے کی خبر کو جھوٹ قرار دیا۔ لیکن کئی حوالے سے کہا جاتا ہے کہ یہ بلکل سچ تھا۔ [8]
انہوں نے دو جگہوں پر گوشوارے جمع کروائے۔ ایک جگہ پر توشہ خانہ سے کروڑوں کے حاصل کردہ فوائد ظاہر نہیں کیے۔ کیونکہ وہ پبلک ہونے تھے۔ لیکن ایفیڈیوٹ جمع کروائی کہ میں نے کچھ نہیں چھپایا۔ [9]
عمران خان نے سائفر پر بارہا بیانیہ بدلا اور اپنی حکومت جانے کے بعد افواج پاکستان اور ریاست کو بےپناہ نقصان پہنچایا۔ [10]
پنجاب کے ضمنی الیکشن میں پی ٹی آئی پندرہ سیٹیں لیں۔ عمران خان نے کور کمیٹی کی میٹنگ میں کہا کہ الیکشن ٹھیک ہوئے ہیں لیکن ہمارا بیانیہ ہوگا کہ دھاندلی ہوئی ہے۔ [11]
عمران خان نے اعلان کیا تھا کہ میرا بشری بی بی کے ساتھ نکاح 18 فروری کو ہوا تھا۔ اب عدالت میں بشری بی بی نے اعتراف کر لیا ہے کہ میرا نکاح یکم جنوری کو ہوا۔ [12]
عمران خان نے بیان دیا کہ مجھ سے 19 ماہ سے کسی نے بات تک نہیں کی ہے۔ اس پر اسکا مذاق بنا تو چند دن بعد فرمایا کہ مجھے بشری بی بی کے ذریعے ڈیل کی پیشکش کی گئی تھی۔ [13]
عمران خان نے دعوی کیا تھا کہ مجھے اسٹیبلشمنٹ نے تین آپشنز دئیے ہیں کہ یا استعفی دو یا جلد انتخابات کراؤ یا پھر عدم اعتماد کا سامنا کرو۔ عمران خان کے اس دعوے کو اسٹیبلشمنٹ نے رد کرتے ہوئے کہا کہ ہم نے کوئی اپشنز نہیں دئیے بلکہ عمران خان خود تحریک عدم اعتماد کے خلاف ہم سے مدد مانگی کہ اب کیا ہوسکتا ہے؟ تو ہم نے بتایا کہ تین راستے ہیں۔ جس پر عمران خان نے کہا پی ڈی ایم سے بات کرو میں جلد انتخابات کرواتا ہوں۔ [14]
حوالہ جات
- ↑ وزیراعظم بننے کی پیشکش نہیں کی تھی
- ↑ عمران خان 100 سیٹیں مانگ رہے تھے
- ↑ 35 پنکچر کا جھوٹ
- ↑ باجوہ کے کہنے پر اپنی صوبائی اسمبلیاں توڑیں
- ↑ سلیم صافی کا سوال اسمبلیاں توڑنے پر
- ↑ 9 مئی حملوں میں اپنی ہلاکتوں پر عمران خان کا جھوٹ
- ↑ پی ٹی آئی خواتین پر جنسی ہراسگی کا جھوٹا الزام
- ↑ عاصم منیر پر ٹیلی گراف کی خبر
- ↑ بیان حلفی جمع کروایا کہ نہیں چھپایا کچھ
- ↑ عمران خان کا بیانیہ اور سائفر
- ↑ پنجاب ضمنی الیکشن پر پروپیگنڈا
- ↑ نکاح کے بارے میں جھوٹ
- ↑ اٹک جیل میں ڈیل آفر
- ↑ تین آپشنز کا جھوٹ
